الحلقة 21, 22,23,24,25,26,27عاهرة انا بعد

الحلقة السابعة و العشرون :
فات عام و أنا عمياء ... حتى تجيني ميمي بالتخبية على ماما و ماماها خاتر فضت بيناتتا العلاقات
ميمي :تعرفي مع شكون هدرت البارح ؟
شكون ؟
إيمانويل !!!
شكون هذا ؟! واش قالك ؟
حكالي كل شيء و مديتلو الرقم تاعك ... ربي يسهل ..و حكيتلو كل شيء صرى معاك بعد ما حاولني باه نحكيلو على أحوالك ....
بديت نبكي و أنا  قلبي يتفتت ...عيط بالزاف و ماهزيتش مابغيتش نتفكر حاجة هي سبب الي راني فيه كل ...
فاتت مدة و مابقاش يعيط ...حتى تجي ماما تقلي راهو جاء واحد خطبك و كان إيمانويل ...
بغيت نفرح بصح ماقدرتش ...
جاب باباه و هدر مع بابا و كان قابل بالظرف تاعي و كان يعرف أني عمياء مانشوفش ...
قال باباه لبابا أنو ولدو باغي يشوفني و يهدر معايا و غير قاتلي ماما قلبي قريب حبس من الخلعة .... لبست و رحت عندو و أنا حاكمة في الحيط و غير دخلت للصالون ضربتني ريحتو و تحرك قلبي و كيفاه مايتحركش و انا الي خربتها معاه ...
خلاونا مع بعضانا ..
إيمانويل : حبيبي ...
طاحت دمعتي ....
نحبك تقبلي تكوني مرتي ؟
بعد واش ؟
سامحيني كنت خايف نزيد نتزوج ..
ههه و درك تنحى الخوف ؟؟
تعرفيني نحبك و مانسيتكش و أنتي الي خليتيني كنت جاي نخطبك و انتي ماترديش عليا جامي رحتي من بالي جامي نسيتك و مازلت متمنيك ....
حتى و أنا عمياء ؟؟
حتى و انتي معوقة و طرشة و بكوشة و كل شيء ...
أقبلي تكملي. معايا عمري و صدقيني نعوضك على الي فات عليك كل ..
تخطبنا و تزوجنا و رحت معاه لفرنسا من بعد ما خدملي وراقيا و كان يجري بيا من طبيب لطبيب و قالولو كاين أمل نرجع نشوف بعد ما نعمل عملية غالية خلااااه ...الحلقة السادسة و العشرون :
وصلوني للسبيطار و كان صرالي إرتجاج في المخ و كنت كوما و الفرحة الي كانت أمس ماليا الدار ولات عزاء الناس كل تبكي و تعيط و خاوتي حكمو عبد الله دقدقولو عظامو حتى هربو عمي عند خوالو و عمي و بابا وصلو للشيطان الرجيم و أنا كنت مطيشة بين الحياة و الموت ...و كيما يقولو الناس الدم عمرو ما يولي ماء ...هذا كل و عبد الله ما قاللهمش السبب الي خلاه يضربني كيما هك ...
فقت من الكوما بعد سمانة رجعت لحياة مانستاهلهاش حياة حطمت فيها حياة ألف بشر من بعدي علاقات أسرية مترابطة و حب بين إخوة و قتلت فرحة ناس بزاف ...بصح ربي يمهل و لا يهمل حرمني من نعمة ما عرفتش قيمتها و موش راح نعترض على حكم ربي ...وليت عمياء ...وليت عايشة في الظلام...الطيحة الي طحتها نهار ضربني عبد الله جاء راسي على حجرة منعت مامتش بصح تأثر النظر انتاعي...دارنا حبو يشارعوه و يدخلوه الحبس بصح أنا رفضت و عرفتو انو عقاب ربي ... بعد الي عملتو كل ...

الحلقة الواحدة و العشرون :
إيمانويل : نولي نجيك لدزاير و نتلاقاو ...
صبرينة : هذا هو برك الحل الوحيد الي عندك ؟؟
واش تحبيني ندير ؟؟
أووووكي مادير والو درك ندير أنا ...
هيا برك حبي بلا زعاف مانحبش تفوت دقيقة ما نبوسش الشوارب الملاح هذم ...
نسيتي إيمانويل أنو ولد عمي يستنى فيا نروح ؟
و من بعد واشي ؟؟
كيفاه ندير ؟؟
نورمال تقوليلو لاااا مانتزوجش ..
من غير سبة والله ماما الأخيرة حالفة فيا لكن يخطبني تمدني سيف عليا ...مانهدرش على خاوتي و بابا ...لا لا مانقدرش نقول لا بلا سبة ...
كيفاه صابرينة ؟؟ حابة تقوليلي راح تزوجي ؟؟
قتلك مانقدرش نقول لا بلاسبة فهمتي ...
خلاص خلااص فهمت حبيتي تقولي نكمل بيك الستاج و نروح نزوج ....!! هك ؟
لا ماقلتش بصح أوووووف خليني نروح برك ...
خرجت من الدار و أنا قلقانة و مخنوڨة كان قادر يقول نتزوجو وعلاه يلعب في روحو ما يفهمش ...
إيمانويل (وحدو في الدار ) أنتي انتاعي صبرينة و مستحيل نخليك تزوجي ....
هزيت خشمي على إيمانويل نهارين و رجعت لعوايدي ...
قلبي حبيبتي راني في الباب حليييي ..
حليت عليه بعد ما خرجت من الدوش ..لابسة السورتي دوبان و شعري مبلول ...
إيمانويل : جبتلك حاجة حبيتك تجربيها معايا ...
صبرينة : واش كاين في الساشي ...؟؟ 
إيمانويل : قرعة وسكي ...
أووووف قتلك مانشربش إمانويل ...
كاس واحد برك ماتزيديش ...
قتلك لا ...
نحبك عمري على جالي ...
لااا قتلك لا ..
خلاص تصبحي على خير سامحيني قلقتك ...
وين رايح ؟؟ خلاص كاس واحد برك ..
الكاس الأول و الثاني ماكملتوش و من بعدو ما فقت لوالو ....
إيمانويل : سامحيني عمري بصح نحبك ليا ....
فقت الصباح و أنا نحس بوجع موش نورمال من التحت ...واش عملنا البارح موش شافية على حتى شيء ..
كيما موالفين عمري هيا أعملي دوش و ألبسي نخرج عمري تحوس ...
نهار كامل كنت نتوجع كي نقعد و لا كي نتحرك هك ولا هك و توسوست ....
الحلقة الثانية و العشرون :
كنت نحس حب إيمانويل ليا زاد و كل يوم يتعلق بيا كثر و بدأ العد التنازلي باه نرجع لدزاير و قلبي بدأ يوجع فيا واش راح ندير كيفاه راح نعمل نقلو يجي يخطبني ؟؟ مانقدرش ...
و عبد الله هدر مع عمي باه يهدر مع بابا و على الأغلب راهم تفاهمو على كل شيء ...
إيمانويل كل يوم يقلي ماتتزوجيش هك بلا ضمانات بصح الحاجة الي مايعرفهاش أنها صبرينة في دزاير موش هي صبرينة في باريس راح نتبدل و ننسى كل شيء هو يصبر في روحو و يقلي مايتبدل والو و نبقاو و نتلاقاو بصح الي صرالي مع مهدي مانقدرش نعاودو معاه ...كنت في السمانة الي مازالت نبكي من قلبي في الدم ...نحاول فيه يفهمني أنو الحل الوحيد يخطبني بصح هو مافهمش روحو

الحلقة الرابعة و العشرون :
وصلت لدزاير نشفت دموعي و ضمدت جراح قلبي ...ضحكت في وجه الي ستقبلوني في المطار الناس كل فرحانة زاهية تضحك أما أنا ربي برك عالم الي بيا لقيت إنسان عشت معاه ساقطة بصح أما بعد هذاك كل واش راح يصير راح ننساه و ننسى الي عملتو معاه راح نقدر نمثل على راجلي أني طاهرة عفيفة كيفاه راح نرقد مع غيرو و أنا ريحتو مازالها في كل بلاصة من لحمي و مستحيل تتنحى...
روحت للدار و مديت للناس كل كادواتهم حتى عبد الله الي تلاقاني و الفرحة باينة من عينيه ...
في الليلة هذيك قعدت نتوانس مع ماما حتى تقلي ..
مبروك على بنتي ..
واش كاين ...؟
يزي برك أستوتة علابالنا بكل شيء نعرفو أنو جاك عبد الله و تفاهمتو على كل شيء  مبروك على بنتي ربي يهنيك ...
راحت ماما لبيتها و بكيت حتى وجعني راسي ...كيفاه نتزوج بيه و قلبي معلق مع غيرو ....
فاتت ليام وبديت الخدمة و مازدتش هزيت على إيمانويل  و مارديتش على ميساجاتو و انا نقرأ فيهم و هو يترجى فيا نهز عليه و نهدر معاه ...
تخطبت مع عبد الله و الظاهر الناس كامل زاهية غير أنا ...
بعد الخطبة بنهار الي معايا في الخدمة كل يباركولو حتى ينطق صابر معايا ...راني نشوف غير في الق***الي يتزوجو في البلاد هذي بصحتك ...
واش تهدر واش تحل في فمك ؟؟
ههههه مسكين راجلك غاضني ..
ماحسيتش حتى هزيت يدي و ضربتو بكف و هو غزل و قالي تندمي عليها ...

الحلقة الخامسة و العشرون :
راح صابر هدر مع عبد الله و حكالو على علاقتي مع إيمانويل بالأدلة و البراهين كان الرخيس صورني في كل الوضعيات المخلة الي قادرين تتخيلوها ....مرة نبوسو و مرة محضنيين و مرة خارجة من دارو على الصباح ...
المهم عيطلي عبد الله و باين قلقان و قالي ماتروحيش راني جاي ....و أول ما وصل ضربني بكف طار الدم من خشمي لصق في الحيط ....ركبني في الطوموبيل و الي يخدمو معايا حايرين و أنا كيف كيف حتى يطيش عليا التصاور الي كان مخبيهم في جيبو وصلني لطريق فرعية تاع تراب ..خرجني من الطموبيل و من غير ولا كلمة طاح فيا بالضرب المبرح ضرب خلاني نحس عضامي تتكسر منو.. كان يضرب فيا و يبكي و أنا تحت الضرب هذاك كل كنت نقول في قلبي نستاهل ....تغاشيت و طحت في الأرض و من بعدها ما حسيت بحتى شيء