رواية عاهرة اما بعد

سلام كرونيك بعنوان عاهرة أما بعد

الحلقة :01
أحبس نفهمك أحبس نهدر معاك ...ألو ألو الوووووو مهدي .... كوبااااا
(تهدر وحدها) واش قال ما بقى بيناتنا والو ؟؟ ههه يتمسخر سير يتمسخر ...درك نعاود .... (إن الإتصال بمراسلكم غير ممكن في الحين  .. ) مقفول .  واش بيه !!!! خرجت من بيتي نجري هبطت في الدروج نجري و أنا موش مصدقة الي قالو ...أووووف ماكانهااااش ..
ألو ميمي وينك ؟؟
خرجت هنا و راني جاية علاه ؟؟
إزربي مسحقاتك راح نهبل ..
طلعت لبيتي و بقيت رايحة جاية مرة نعيطلو ( مازال مقفول ) مرة نكشرد شعري و نحط يديا على راسي ... لا لا لا مهدي يتمسخر أكيد مقلب عملو فيا ..
حلت ميمي الباب ديراكت و دخلت خلعتيني واش كاين ؟؟
مهدي ..... كيتاني ... قالي فضت بيناتنا ..تصدقي !!
ميمي ماتفاجئتش ...مممم برك الله لا يتربحك حسبت نانا علجية ماتت ..
برك ؟؟ برك !!! مهدي راح وخلاني تعرفي واش معناها ؟؟ يعني 4سنين راحت (بديت نبكي ) بطّل موش معايا ...وعلاه واش درتلو الحاجة الي يقولها نعملهالو .. ... 
ميمي : واش راح ديري مكتووووب ..هيا نخليك نهبط ماما تستنى نديلها الحوايج ..
جاتك نورمال !!! واش بيك ميمي طول عمري نحكيلك الصغيرة و الكبيرة تعرفي كيفاه كنا ... تقوليلي مكتوب ؟؟
ميمي : أووووه حتى أنتي سامطة تحبي تربطيه معاك بالسيف هو حر ديجا... من الأول باين خاطي تاعك راكي علابالك ...
تجرحي فيا ميمي ... نعرف أنو بوقوص عليا ماكان لاه تزيديني ديجا روحي تقودي جبتك يا عبد المعين تعين زدتيلي الهم همين ..
ميمي : قودي أني رايحة ...و أقعدي تندبي ...
نعرفكم بروحي أنا صبرينة 24سنة متخرجة من الجامعة و قاعدة نصهد لا خدمة لا زواج مهبولة و تاع ضحك و طوايش كنت سمرة و عينيا كبار بصح مافهمتش علاه الشعب تاعنا يعبد البيضاء و يطيح المورال للسمرة  عندي زوج خواتاتي مزوجين أسمهان أكبر مني بعامين26سنة  و سارة أصغر مني بعامين 22سنة ... و عندي 3خاوتي ذكورة وليد17 سنة و عماد 20سنة و الطاهر 30سنة مازالهم قاعدين على قلبي دايرينلي سركاجي في الدار  كي تشوفو الخراوات الزوج هذوك تقولي هم الرجال تاع الدار كنا ساكنين في دار العيلة الكبيرة جداتي ساكنة في الطابق الأرضي و معاها عمتي مطلقة و الفوق بيت عمي الكبير و في النص حنا و فوقنا عمي الصغير ...هك كانت وصية جدي بابا و عمامي مايتفارقوش للموت نرجعو لعمي الكبير عندو 2أولاد ميمي ( مريم ) 20سنة و عبد الله 30سنة
عمي الصغير تزوج عندو 5سنين و مازال ربي ما رزقوش بالأولاد .