الحلقة 9,10,11,12,13 عاهرة اما بعد

الحلقة التاسعة :
غدوة على الصباح بديت القراية و كانت صعيبة بزاف كنت أنا و الطفل الأوخر (صابر) الي نجح معايا كان واحد المهبول و يبان معقد يشوف معايا و يشنف تعرفو لوجور هذاك تاع القرايين الي مايحبوش حتى واحد يفوتهم ...(غير أقعد برك واحد ماهو سامع بيك ) و كانو معانا أجانب واحد 15 طفلة و طفل ...كملت الحصة الأولى و بدات الحصة الثانية ...و دخل إيمانويل ..يا لهوي يا خرابي هذا هو ؟؟ حسبتو شايب أنتم قولولي وقتاه قرأ هذا ووقتاه ولا بروفيسار ...
حصة كاملة نصهد فيه مبهمة كلمة ما فهمتها و كلمة  ماسمعتها ... موش راح نقلكم بوقوص كيما مهدي بصح تحسوه جذاب ماعلابالبش كيفاه نوصفهولكم بصح زينو غريب ...
فضت الحصة و رجعت للدار نظف شوي في الدنيا و نظم في حوايجي الي كانو في الكابا .... و لقيت التريكو تاع مهدي موش راح نقلكم نسيتو صح كرهتو بصح مازالو الذكريات خاصة التريكو هذا مدهولي نهار و قالي تفكريني بيه حضنتو عندي و جاتني البكية و بديت نشم فيه ...أخخخ يلعن والديه هكاك بالعرق تاعو كون جيت بنت حرام راني سحرتو و خليتو يمشي و يبول على روحو ...
بورطابلي يصوني ياااااه نندب إيمانويل ؟؟؟ و هذا كيفاه نهدر معاه نزيد نبدا نڨه نڨه  أوووف ..
صبرينة : ألو وييييييي
إيمانويل : ألو السلام عليكم ..
صبرينة : (هاااا حليلي يهدر العربية الحمد لله ) و عليكم السلام ...
إيمانويل : صبرينة معايا ؟؟
صبرينة : أييي ههههه هيه (بهبولة )
إيمانويل : بغيت نبلغكم انو الحصة تاع غدوة أنيلي أوكي عندي ظرف طارىء ..انتي ماعنديش الإمايل تاع باه نبلغك
صبرينة : ربي يعينك نشالله روح بالسلامة ... درك نفتح واحد و نبعثهولك (ههه قاعدة نضحك وحدي كي المهبولة )
إيمانويل : أوكي أوروفوار ....
ياشومي يهدر العربية يااااو موش العربية الدزيرية ههههه الحمد لله منعت ..أوووف
العشية مين ذاك جاتني ليندا قاتلي إذا تخرجي تحوسي شوي نعرف أنك ماعندكش مع شكون تخرجي هذا إذا حبيتي ...؟؟
أنا من غير مانخمم لبست و خرجت معاها و هي ماخلات وين داتني حكاتلي على رحها عمرها 40سنة مطلقة و عندها طفل عايش عند باباه في دزاير و هي باين عليها متحررة خلااه من الميني و الدخان و هدرتها ...(سوفاجة)
طاح الليل و مازلنا لبرا الحقيقة حشمت نقلها أديني نروح ...
ليندا : الليلة تسهري سهرة تنسيك في دزاير ..
صبرينة : نسهرو ؟؟؟لا  انا نرقد بكري راكي علابالك نوض بكري ..
ليندا : الي ماشافش باريس في الليل مايقولش شفت فرنسا ... سامحيني دقيقة ...ألووو إمانويل نص ساعة و نكون عندك كامل راهم ثم ؟؟ أووووكي نوصل صبرينة برك و نجي ...
صبرينة :( أنا غير سمعت أسم إيمانويل بقيت نتوقب ) تسهرو مع بعضاكم ؟؟
ليندا : باينة خلاااااه و الي يقراو معاك كل راحو  راهي داخلة في النفقة تاع الستاج تاعكم ..
بقيت نخمم من بعد قلتلها حتى أنا نروح ...
ليندا : تروحي تبدلي قشك ؟؟
صبرينة : واش راح نلبس ؟؟ راني بالحجاب ..
ليندا : كيما تحبي تروحي معايا للدار نلبس و نروحو ...

الحلقة العاشرة :
رحنا لدارها و دخلت معاها و شفت هذيك الدار العزيزة صغيرة صح بصح ستيل خلااااه ...لبست روب xxو ماكياج يقتل حتى حشمت بروحي ..رحت معاها و دخلنا للديسكوتاك و يا ليتني  مارحتش هذا شطيح و هذا عرا و هذا شراب و ما نستبعدش كاين حتى الزطلة ....(صحيتي يا صبرينة قول ماوصيتيش يا الطاهر طل على أختك راهي ساهرة) ...وصلنا للطابلة تاع الزملاء و كانو الحقيقة عادي كاين زوج توانسة بنات و زوج مغاربة طفلة و طفل و لبناني و مصرية و الباقي أصولهم من إفريقيا و أوروبا المهم ماكنتش وحدي عاملة الحجاب و هذي حاجة خلاتني نرتاح شوي المغربية و المصرية حتى هم لابسين ....كل واحد في حالو  واحد ماهو محوس على واحد مسلمين و يشربو في الشراب و مسيحين و مايشربوش المهم أنا باقية غير نشوف بعينيا ...و مستغربة الحالة كيفاه عاملة وقفت ليندا الي كنت غير أنا و هي دزيريات تشطح و بقيت مكمشة ... أنا هكاك بديت نتقلق و نتمنى تفض السهرة و نروح للدار خاتر عقلي و ضميري بداو يأنبو فيا ... و يجي إيمانويل ..سلمو عليه الغاشي كل و جاء قعد في بلاصة ليندا قدامي ..
إيمانويل : أهلااااا ببنت بلادي ..
صبرينة : ماتقليش دزيري ..
إيمانويل : باينة خلااااااه أهلا بيك ..
صبرينة :(فرحت تقول لقيت بابا هههه) بصح كيفاه إيمانويل و دزيري هههه؟
إيماويل : يما فرنساوية و بابا دزيري نورمال ...هههه بابا يعيطلي بوجمعة هك تساعدك هههه
صبرينة : هههههه
إيمانويل : نشالله تجوزي معانا أيامات مايتنساوش ...
كانو البنات كل عينهم فيه و يكحلو سومبيتي ...و أنا غير نشرب في الكاس تاع الجي هذاك بالقطرة باه مايفضش و ناكل في الكاوكاو كي القرد ...
فاتت سهرة مليحة عرفت فيها بزاف أومور على الي معايا في الستاج خاصة إيمانويل الي كان يسرك و يضحك و الطوايش تقول خاطي بروفيسار أصلا هو مايبانش كبير مالڨري قالولي عمرو 39سنة ...
ليندا : هيا توصلنا أنا زودتها شوي ....و أنتي صبرينة ماتسوقيش ماخي ؟؟
صبرينة : لا ...كنت نشوف مع ليندا سكرانة اول مرة نشوف مرأة سكرانة ..ووخايفة و حايرة
إيمانويل : و أنا الي كنت حاط مانصحاش الليلة و جيت بلا طوموبيل هيا هيا أركبو ...
ليندا : علااااه مازالت طلع في الروح ..؟؟
إيمانويل :لييييينداااااا لافااااارم ...
ركبنا معاه وصل ليندا للدار خاتر دارها قريبة و من بعد وصلني أنا ما كنتش نتوقع من اول نهار في فرنسا نخرج نسهر وونشوف عباد سكرانين .

الحلقة الحادية عشر :
إيمانويل : ليندا ديما كيما هك ماديريش عليها مسكينة تاع راسها ...
صبرينة : و انت ؟؟
إيمانويل : سعات كي نحب ننسى ..
بقيت غير ساكتة و بديت نخاف لكن كشما يعملي ...واش بيا أنا مع راجل مانعرفوش ... وصلني للدار و أنا قلي يضرب في 100 حتى الباب كي جيت نهبط ماعرفتش نحلو هو مد يدو يفتحهولي ..
و السخانة طلعتلي ..كانت يدو قريبة بزاف من صدري هو عملها بعفوية بصح أو أنا الي موش موالفة ...قالي بونوي و راح ....
ليلة كاملة نخمم فالنهار الغريب العجيب الي عديتو في باريس و إيمانويل الجذاب المثير ...
نضت الصباح بكري على غير العادة مالڨري مانقراش ... فتحت الفيس و بارطاجيت شوي تصاور من ليلة البارح مع البنات برك بالتأكيد و بقيت طالعة هابطة  و نريبوندي على ليكومونتار تاع صحاباتي في دزاير و صحاباتي الجدد حتى يجيني مساج في البريفي ... "صباح الخير صبرينة ". و في رأيكم شكون ؟ مهدي يا أصدقاء ...سبريميت الميساج و كنت نحس بالفرحة مانعرف علاه ؟؟ ممكن إحساس الإنتقام الجميل ..
بقيت نخمم وحدي ..بنت عمي خانتني مع حبيبي مع أنها تعرف بعلاقتنا وعلاه حتى أنا ما نحطملهاش حياتها و نخليه يرجعلي 6شهر هذم من بعد نطيشو كيما طيشني  مع أني مابقيتش نحبو و مستحيل حتى لكن يحب يرجعلي و يخطبني مستحيل نقبل بيه و زيد حتى دارنا مايقبلوش...أنا هكاك نخمم و يصونيلي البورطابل ...و كان عبد الله ولد عمي (خو ميمي )
*الو : صباح الخير
*صباح الخير صبرينة لاباس ؟؟
*لاباس الحمد لله كيفاه تفكرتيني هذا ؟؟
*وعلاه عمري نسيتك ؟؟ والله ماسمعت بيك رحتي حتى قالولي اليوم ..
*شفتي هاني في فرااااانسا هعهه
*واش راكي ؟؟
*الحمد لله  و انت و الدار كامل لاباس ؟؟
*نحمدو ربي بصح والله لدرك موش مصدق مانشوفكش 6شهر ..
*(في قلبي واش بيه هذا ؟) نوووورمال درك توالفو بالكالم و السكات شوي ..#daddou
*كون مارحتيش برك و أسيدي نوضي كل يوم ديري الڨصبة و أشطحي كيما موالفة ...نوصيك بصح عند ديريها ثم تزيدي تفضحينا قدام العديان ...
*ههههههههه يعطيك الربح ضحكتيني أاااا مانعملهاش أني كنت نحب نقلقك برك ..
*و أنا عمري مانقلق منك ..
*بصح موش بزاف عليك ...كوبي عيطلي في الفايبر خير ..
* حاجة ما تغلى عليك ...درك نعاودلك ..
الحلقة الثانية عشر :
عيطلي في الفايبر و حكينا قريب ساعة و نص و عبد الله كان معايا حنين بزاف و يوصي فيا على روحي و قالي درك نعود كل يوم نعيطلك ...و حسيت حاجة مبدلة في هدرتو ...و أنا الي كنت معاه كي القط و الفار ...
رحت قريت على 10 و عرضوني البنات للغداء معاهم و تغديت معاهم و ضحكنا و توانسنا حتى شبعنا و رحنا للمول شريت بزاف بزاااااف قش لخواتاتي و أولادهم و لعماد ووليد كيما وصاوني تشوفوني تضحكو عليا ياااو تقول مانزيدش نخرج التبهدايل تاع الدزيري في فرانسا ههههه و لصقت في الساشيات التاكسيار الي يشوفني مايحبسليش تقول نسلع للحنوت ... حتى تفوت ليندا و معاها إيمانويل في الطموبيل ... حبستلي و هم ميتتين عليا بالضحك هبط هز معايا الساشيات أني قلتلكم جونتي العرق تاع العرب الي فيه مبوشي هههههه ..
واش الساشيات هذم كل ؟
ديكادو برك ...
ههههه خلي شوي لناس باريس ..
ليندا : خليها تقضي كيما بغات ..ماقلتيليش واش راهي مع لاشيميو ؟؟
*(ثم ثم بان عليه الحزن ) كيما راهي كل يوم تزيد أكثر ... والله نتفكرها نحب نروح نجري نشوفها نخاف تموت و أنا منحضرش ...
*كيما كتبها ربي انت كوراج برك ... ديجا هذي سنين و انت معاها و ماخليتيهاش حتى دقيقة ...سافي بليزير ..
* توجور نقلك الي نعملو كامل و موش مزية مني ...
*كون واحد غيرك راه طيشها في السبيطار ووخلااااها .
* أووووف ماتفهميش قتلك ماتهدريش عليها كيما هك حبسي عزريني هنا أحبسي ..
تعارك إيمانويل و ليندا و هبط و أنا موش فاهمة على شكون ولا كيفاه و علاه ؟؟؟؟!!! و مانقدرش نسقسي ... روحت للدار و الفضول قتلني ....
فاتت ليام و انا مع الروتين المعتاد نقرأ نخرج ندور مع البنات و نهدر مع مهدي من جهة و عبد الله من جهة أخرى و تبانلي فيزوج طاحو فيا ههههه خرجت عليا فرانسا ..
في المعهد كان إيمانويل مايهدرش مع ليندا و كان يبان حزين مالڨري يخبي في مشاعرو و يصطنع في الضحكة ...نهار مروحة  نفوت على قهوة قدام الدار نلقاه قاعد يشرب في قهوة و باين عليه مهموم ..لميت القوة الي عندي (صحانية الوجه هههه) و وصلت قدامو و هو ساهي صباح الخير ؟؟
اووو صبرينة صباح الخير لاباس ؟؟؟

الحلقة الثالثة عشر :
لا لباس حبيت نسقسي عليك برك بروفيسار ..
ههه بروفويسار ؟؟ أقعدي أقعدي ..واش تشربي ..؟
طلبلي  كاس جي و قاعدة غير نشوف معاه  التحت التحت وااااو يسحر يشبه للرجالة ههه ..
ممكن نسقسيك حاجة و سامحني إذا تدخلت في خصوصياتك ...
تفضلي ...
*شكون عندك مريض ؟؟
*هبط راسو و تعباو عينيه بالدموع ... مرتي ..
*متزوج ؟ والله ماعلابالي !!!
*هيه مرتي مريضة بالكونسار هذا عام و هي في السبيطار ..
*ربي يجيب الشفاء راهي لاباس درك ؟؟
*(براسو لا ) كل يوم تزيد تذبل أكثر...يستناو فيها تموت ..
يفرڨ في دموعو و جبد ڤارو يتكيف فيه 3جبدات كملو ...
*سامحني حيرتلك الجرح ربي يشفيها ...
*نشالله .. رحت روحت و غاضني خلاااه حسيتو يحبها خلااااه مسكين ...
فاتت سمانة و ماجاش إيمانويل يقرينا ....و جات ليندا قالتلنا راهي توفات مرتو واش غاضتني واش غاضتني ... رحت مع ليندا للسبيطار دخلنا لقيناه متربع في الأرض و حاط يدو على راسو و باين بكاء حتى تنفخو عينيه ...عظمنالو الأجر و ليندا بقات محضناتو و تصبر فيه بصح أنا تبانلي ليندا تحبو خاتر كانت تتعامل معاه ديما بحميمية ...
كانت وصية مرتو يدفنوها في دزاير خاتر هي دزيرية راح إيمانويل لدزاير شهر و رجع للخدمة تاعو ..
أنا في الوقت هذا إعترفلي عبد الله ولد عمي بحبو و أنو باغي يخطبني كي نرجع من فرنسا و أنا خليتو معلق ما قتلو  لا هيه لا لا  صح هو كيما تقول ماما راجل كامل و مكمل بصح جرح مهدي الي في قلبي مازال خاتر راهم 4سنين حب ...و مهدي كنت نلعب بيه رجع يهدر معايا ديما فتح كونت أوخر و يهدر معايا أنا و مخلي ميمي و  ديما يتعارك معاها و أنا زاد كرهي ليه و إحتقاري خاتر حب يكرهني في بنت عمي الي هي لحمي و دمو و يقلي راهي هي الي غرتني و كحلت عليا و......
قررت ليندا دير حفلة في دارها و تعرضنا كامل على خاتر إيمانويل باه يخرج من الحزن تاعو...رحت و كنت نشوف معاه و هو يشرب و الكاس ما هبطش من يدو . ...حتى قلقت وصلت قدامو و حكمت القرعة هذيك قفلتها و بعدتها عليه ..
*وعلااااه خليني نشرب ...
*بصح موش حل ..
* خليني ننسى باه نقدر نرقد ...
* وعلاه عليك هذا كل كاين أومور أخرى تقدر تنسى بيها ...
* مثلااا...؟!!!!
* ممممم ماعلابايش بصح تبدأ حياتك من جديد و هي ربي يرحمها ...
* مممم و نلقى وحدة تحبني ؟؟
*ليندا تبانلي تحبك و.....(قرب عندي و باسني على فمي ) و حكمني شلل الأطفال ..بوسة كيما تاع الفيلمات حسيتو كي حكملي  شفايفي و حسيتهم بين شفايفو ...