الحلقة الأخيرة عاهرة اما بعد

الحلقة الثامنة و العشرون  و الأخيرة :
دخلت للعملية و أنا ندعي في ربي نرجع نشوف الضوء خاتر موش ساهل نعيش في الظلام وعدت ربي أنو نتوب و نرجع لطريقو ..و إيمانويل كيف كيف ...كانت عملية صعيبة و قعدت في البلوك 8سوايع  ...
خرج الطبيب و بلغ إيمانويل أنو نجحت العملية ....بصح كي جاء ينحيلي البونسمون على عينيا و شفت الضوء تاع ربي بكيت و الطبيب و إيمانويل يسقسو فيا واش وليت نشوف. ولا لا ؟ كنت نشوف بصح حبيت نختابر حبو ليا و أنو راح يصبر معايا ...خرجت من السبيطار و رجعت للدار و أنا نتفرج على تصرفاتو معايا و كان حبو ليا بيان في خزرة عينيه و لمستو كيما كان كي كان صاحبي و أنا من نهار تزوجنا ما خليتوش لمسني و قررت نديرلو مفاجئة و نقلو أني وليت نشوف ...
وجدت عشاء رومنسي و لبست و ستيكيت و كي روح فرح و بقاء حاير ...
إيمانويل : واشي هذا كيفاه عملتيه ؟؟
حبيبي بغيت نقلك راني نشوف ...
حتى نلقى دموعو طاحت و هزني و حضني و دار بيا ...بدأ يبوس فيا و هو فرحان و موش مصدق ... تفكرنا أيام الحب و الشغف و الرغبة و حطني في سريرو و أنا نستنى نشوف فرحتو و تكمل ليلتنا بدليل طهارتي ...بصح ماساح والو و هو كان فرحان و ماحوسش يفهم على حتى شيء ...
فرحت انو قبل بيا بكل شيء...
إيمانويل : سامحيني صابرينة .. ..نحبك
صبرينة : نعشق فيك ...
إيمانويل : ماكنتش راح نخليك تزوجي ولد عمك حتى لكن ما فاقش بيك ....هيا عمري نزيدو واحد خلي نجيب طفل بوقوص و كحلوش كيفك يا التمرة الحلوة تاعي ....
صبرينة عايشة هانية مع حبيبها و راهي بالكرش و مازالت ماتعرفش أنو هو الي فقدها عذريتها ..كاين أمور من الماضي الأحسن أنو الإنسان ما يعرفهاش باه تفسدش حياتو ...
النهاااااااااااااااااااااية